Rydym yn dîm o bobl ofalgar a thrugarog sydd yma i gefnogi dioddefwyr trosedd.

Rydym wedi ein lleoli yng Nghaerfyrddin ond yn cwmpasu Canolbarth a Gorllewin Cymru.

Os hoffech chi, gallwn eich cefnogi chi heb gynnwys y system cyfiawnder troseddol. Ni fyddwn yn cysylltu â nhw amdanoch chi oni bai ein bod yn teimlo bod rhywun wrth risg.

Ni raid bod y drosedd wedi digwydd yn ddiweddar. Os ydych chi’n ddioddefwr trosedd hanesyddol, byddwn ni yma i chi. Weithiau bydd rhywbeth yn digwydd i chi ac ni fyddwch chi’n sylweddoli eich bod chi angen cymorth hyd nes ymlaen.

Beth ydym yn ei wneud?

Mae Gwasanaeth i Ddioddefwyr Dyfed Powys yma i gefnogi unrhyw un sydd wedi’u heffeithio gan drosedd, nid yn unig dioddefwyr, ond eu ffrindiau, eu teulu ac unrhyw bobl eraill sy’n gysylltiedig.

Gan ein bod yn annibynnol, gallwch siarad â ni p’un a wnaethoch adrodd am y drosedd i’r heddlu ai peidio. Rydym ni yma i’ch cefnogi chi.

Y cymorth y gallwn ei gynnig

Gall siarad ag un o’n cefnogwyr eich helpu chi i ddelio â’ch teimladau ar ôl trosedd. Serch hynny, yn aml mae problemau ymarferol a all eich atgoffa chi o’r hyn rydych chi wedi’i brofi. Gall hyn ei gwneud hi’n anos i chi gael trefn ar eich bywyd eto.

Dyna pam ein bod ni’n cynnig cymorth wrth roi trefn ar effeithiau ymarferol bod yn ddioddefwr.

Mae gan ein staff fynediad at adnoddau a allai wneud gwahaniaeth yn eich bywyd a’ch helpu chi i ymdopi a symud ymlaen o’ch profiad.

Gallwn hefyd helpu wrth gael apwyntiadau meddygol, eiriolaeth tai neu ddelio â’r system cyfiawnder troseddol cyn neu ar ôl llys.

Os ydych chi angen cymorth arbenigol nad ydyn ni’n meddwl y gallwn ei gynnig, gallwn gysylltu ag asiantaethau eraill i helpu i gael y cymorth sydd ei angen arnoch chi.

Rydym yn gweithio’n agos gydag ystod eang o sefydliadau eraill gydag arbenigedd a all eich helpu chi gyda sawl sefyllfa a achosir gan drosedd.